غنيناك ..
وما ظنينا نغني سواك
ناديناك في الصوت الفات ما جانا صداك
الايام في غيبتك طالت وخوفي عليك تطول ماساك
دي كم ايام من انت مغيب ما جرينا النم في غناك
ولا اتآسينا بعد ما فت ولا ضمدنا جرحنا وراك
ياهو الليل بي غبنو يعدي وياك مترهبن في منفاك
الأيام ياها الايام
الايام معروفة بتسرق كحل العين ما تقولي هواك
الايام لو كان بتستر كت لقيت فجاً مضاراك
كنت لقيت شراية زاتك وما اتوهمت ضهب في قفاك
وما جاك حالا يقطع قلبك وكتين غم عليك سماك
الايام دوليق نوريقك وكم دولقت معاها صباك
وما قيسبت غير هما يمسك بوصة حلق الشوق جواك
وزي ما العافية تفارق جسدك روحك تب بتفارق اعضاك
حول في حول والناس راجنك والهدام بيهد في قواك
كم نادينا العافية التسكن قبل الروح تنسل معاك
وقبل الليل يتكمسد ويرجع تفقه عين شمس الله مساك
يا مجدول في خاطري النازف عاد لي متين انا استناك
وانتا هواك بيملا الصاري وسفناً ضلت تتمناك[center]